Frå motorrommet på gassferga Boknafjord. Foto: Karl Otto Kristiansen/Fiskerstrand Verft
Rolls-Royce tek no steget inn i eit nytt stort marked etter at selskapet sin C-gassmotor vart
godkjend av The United States Environmental Protection Agency (EPA). Selskapet får
dermed løyve til å selje gassmotorar til USA.
– Dette markedet er strengt regulert av EPA, og det er ein gledens dag for oss når vi no
kan innta eit nytt kontinent med vår nyaste gassmotor, seier Robert Løseth, Senior VP –
Merchant, Propulsion Systems and Engines i Rolls-Royce.
Møter framtidige miljøkrav
Gassmotoren som vert produsert ved Rolls-Royce Bergen Engines på Hordvikneset,
reduserar drivstofforbruket, minimerar skadelege metanutslepp og møter allereie dei strenge
internasjonale miljøkrava som trer i kraft i 2016 (IMO Tier III), samt dei framtidige krava IMO Tier IV.
– Dette er gode nyheiter for det amerikanske markedet sidan LNG heilt klart er framtidas
drivstoff. Med våre nyskapande fartøydesign og gassbaserte framdriftssystem vil vi kunne
redusere livsløpkostnadar og forbetre driftseffektivitet for rederia, samtidig som ein reduserer
kraftig i skadelege utslepp, seier Løseth.
Verdas største gassferge, Boknafjord, nyttar gassmotoren som no er godkjend i USA. Foto: Karl Otto Kristiansen/Fiskerstrand Verft
C-motoren er allereie godt etablert i det europeiske markedet, og hittil er C-motoren installert
om bord i bil- og passasjerferjer, i offshorefartøy, og tauebåtar. I Norge kan ein nemne
verdas største gassferge Boknafjord eigd av Fjord1, offshorebåtane Island Crusader og
Island Contender eigd av Island Offshore, og verdas første gassdrevne tauebåtar eigd av
Bukser og Berging som skal i drift for Statoil på Kårstøanlegget. I det amerikanske markedet
vil ein selje motorane inn mot tugbåtar, ferjer, kystfartøy og offshore fartøy. Motoren er også høveleg for fiskefartøy.
Kraftig reduksjon i utslepp
Gassmotoren med namn C26:33 reduserar utsleppa av CO2 med 22 prosent samanlikna
med konvensjonelle dieselmotorar. NOx-utsleppa vert reduserte med 92 prosent, medan
utslepp av SOx og partiklar er ubetydelige. C26:33 reduserer også drastisk i metanutsleppa,
som til no har vore bakdelen med gassmotorar.
