Det er Toll- og Avgiftsdirektoratet som foreslår endringa, som vil gjere det lovleg for Fjord Line og andre aktørar å frakte vogntog mellom Bergen og Stavanger. I dag har ein berre lov til å frakte trafikk som skal til utlandet på desse fergene.
Næringsforeiningane i Bergen, Stavanger, Haugesund og Stord, og dei maritime fora i Bergen, Haugalandet og Sunhordland og Stavanger har gått saman om å lage eit høyringssvar.
Dei er samstemte i sitt ønskje om å flytte meir godstrafikk vekk frå vegen og over på sjø, og støtter derfor den foreslåtte endringa.
Forskriftsendringa vil gjere E39 til ein mindre trafikkfarleg veg, forureininga i transportsektoren vil gå ned og Fjord Line kan utnytte ledig kapasitet på sine ferjer, skriv næringsforeiningane i høyringssvaret.
Sidan ferjene allereie trafikkerer strekninga med ledig kapasitet – og går på flytande naturgass (LNG) – vil ei slik omlegging bety at CO2-utsleppa vert redusert med 75 %, medan 95 % av NOx-utsleppa forsvinn. Dette er med andre ord eit enkelt grep, med stor klimagevinst.
Alle dokument i høyringa ligg tilgjengeleg på Tollvesenet sine nettsider
